hk32168 2008-9-15 10:57 AM
沒有必然
這陣子，股市跌到咁，通脹高到咁，我們真的想開心都難。對於我，或者是你，都一定有同感。不過，我會選擇讓自己樂觀地面對着這些高低潮！
其實，冇人同大家講過股票一定升，如果你是單純到以為股票一定賺到笑唔會蝕到喊的話，那麼股票市場不是你應該到來的地方，家陣做咗蟹先知這個市場的無常？其實可能大家已經忘記由細到大常常被提醒這樣的四個字：物極必反！當然家陣我馬後炮，真係講乜都得，不過當你平心靜氣咁坐埋一邊諗一諗，其實你都想個市跌一下，只不過冇諗過佢跌得咁金⺊！唔通你真係以為恒指可以去到三萬幾四萬點？阿李生講嘅嘢你都好信嘅真係！
仲記得當年人人都係負資產，大叫通縮好慘的時候，你應該好想可以見到香港有通脹，事隔咁多年，終於都如願以償，家陣又唔開心，想點？
其實我好想講一樣嘢，開心同唔開心，都係好睇你自己點諗，人生或者生活又怎會盡如人意，懂得在當中享受一些不如意，其實都不是一件壞事。
因為只有曾經經歷過不如意的人才會明白幸福不是必然。
陳刀．時裝設計師
