yyho1022 2008-6-25 03:00 AM
你當我什麼??下集...
我知道佢只係太悶,搵我黎玩吓.6月18日佢黎接我收工,話順路車我返屋企,一直大家都冇咩野講,佢只係拖住我隻手,到左屋企樓下,佢叫我錫佢,但我冇,我就上左樓,返到屋企佢打比我,佢話好唔開心,好似樣樣野都唔順利,但我話唔得閒,收左佢線...
6月19日佢一個電話都冇打過比我,我亦都忍住唔打比佢,我個朋友打比我話星期六約左佢睇戲,叫我打比佢約時間...我為有扮冇事打比佢,佢好冷淡,話星期六唔得約星期日,我問佢係咪唔想去,佢話唔係,問佢做咩,佢話冇野晏啲打比我,之後成晚都冇搵我...
6月20日我同啲朋友食完飯去左飲野,12:30am我打比問佢{你女友係咪返左黎?係我就以後唔再搵你}佢話冇,有就生仔冇petpet,話仲係鍾意我,但我問佢你好似唔同左,佢話呢排好煩,好想靜下,靜完會搵我,好......咁你同我講聲呀,唔好突然唔見左呀,佢話同我做番朋友,但佢唔會搵我,叫我有野就打比佢,當時我收左佢線,我係咁飲,飲左好多,坐左係樓梯喊,我朋友c問我咩事,我講左比佢聽,c幫我打比佢叫佢黎車我,係男人就出黎,轉個頭佢個好兄弟打比c叫佢唔好咁細路女,我朋友好嬲收左佢線,我等到5:00佢都唔黎,喊到眼淚都冇,c就陪我返屋企...6月21日11:30am朋友s打比我話知道晒咩事,我問佢點知,佢話個男仔打比佢講晒,話對唔住攪到我咁,s係咁鬧佢,叫佢搵食行遠啲,因我同s係十幾年朋友,所以佢都好嬲.個男仔仲同s講話送部電話比我好冇,s當然話唔好,你當我什麼????一部電話???我覺得自己好肉酸,肉酸到唔想見任何人,但我所有朋友都知呀,佢點解要周圍唱,仲話冇玩過我,一直都係認真??我到今日都仲想打比佢,問佢點解要咁對我?點解可以咁狠心?真係一啲都冇愛過我?但我冇,因為我唔敢......你當我什麼????????????
skyline1231 2008-7-25 08:36 PM
有時D野估估下冇用架...直接同佢講啦...再者我覺得如果佢真係咁鍚你咁緊張你既就唔捨得咁對你啦！傻豬..唔好唔開心la
[[i] 本帖最後由 skyline1231 於 2008-11-2 12:46 AM 編輯 [/i]]
